വെസ്റ്റേൺ സിഡ്നി മലയാളീ അസോസിയേഷൻ - പത്താം വാർഷികവും 2017 ഓണാഘോഷവും
/എല്ലാവരും ഓണസ്മൃതികളിൽ മുഴുകി പതിയെ അന്യോന്യം വിശേഷങ്ങൾ കൈമാറുന്നതിനിടയിലാണ് വെസ്മ 2017 ഓണാഘോഷം ആരംഭിക്കുകയായി എന്നറിയിപ്പുണ്ടായത്. അപ്പോഴേക്കും വെന്റ് വെർത്തിലെ റെഡ് ഗം സമ്മേളനവേദി നിറഞ്ഞു കവിഞ്ഞിരുന്നു. വിനോദോപാധികളിൽ മുഴുകിയിരുന്ന കിടാങ്ങൾ പെട്ടെന്നോടിവന്ന് കസേരകളിലും അമ്മമാരുടെ മടികളിലും കയറിക്കൂടി. നിറഞ്ഞ ഹാളിൽ പെട്ടെന്ന് നിശബ്ദത ആവരണമിട്ടു.
ഇതൊരു സാധാരണ ഓണാഘോഷമല്ല, പിന്നെയോ, വെസ്മയുടെ പത്താം വാർഷികവും, 2017 ലെ ഓണവും സംയുക്തമായിട്ടുള്ള ഒരു വിശിഷ്ട കലാവിരുന്നാണ് ഓണസദ്യയുടെ രുചിഭേദങ്ങളോടെ ഏവരെയും കാത്തിരിക്കുന്നതെന്ന സദ് വാർത്ത പരിപാടികളുടെ നിയന്ത്രണം ഏറ്റെടുത്ത അജോയും മായയും വേദിയിൽ കയറിവന്നു സദസ്യരെ ഓർമ്മപ്പെടുത്തിയതോടെ കാണികളിൽ ആനന്ദം തിരതല്ലിയൊഴുകി.
Read More